المساعد الشخصي الرقمي

مشاهدة النسخة كاملة : وش لي بهالدنيا عقب مافقدته ..!!

فراولة
10-20-2006, 12:52 PM
يـارب .. كانـه مـا حصـل لـي ألاقـيـه
والقـى معـه روحـي و نـبـض ٍ فقـدتـه؟
خـذ عمـري اللـي باقـي ٍ لـي .. فلابـيـه
أنـا وعَـدت .. وبـأوفـي الـلـي وعَـدتـه
الـ( لا ) .. لغيره .. بس له ؟ .. تنقلب ( إيه )
وقّـعـت بإسـمـه خـافـقـي واعتـمـدتـه
الله واكبـر مــن كـثـر مـانـي اغلـيـه
لا زاد هجرانـه / مــن الـوصـل زدتــه
عهـدي بـه اصـلاً .. مايجـي ليـن اناديـه
واليـوم مـا جـاب الـنـدا مــا عهـدتـه
مليـت انـادي وانشـد الـكـون وش فـيـه؟
ولا مـن مُجيـب - الا الصـدى - لا نشدتـه
ولامـن سألنـي خاتـمـي ويــن راعـيـه
أهـذي علـيـه وأحـسـب انــي أفـدتـه
إحتار صوتـي بيـن الآهـات والـ( ليـه ) ؟
وباقـي الحكـي ضايـع .. ولـوّي وجـدتـه
تضيـق بـي دنـيـاي اذا جِـيـب طـاريـه
حسـره علـى وقـت ٍ معـه مــا قعـدتـه
وقتـي يـا إمــا ْهـجـوس والا مشـاريـه
نفس الشريـط اليـا انتهـى .. قمـت عِدتـه
أخفـي دمـوعـي بـإبتسـامـات ووجـيـه
واوصـف جنـون ٍ فالهـوى مـاااا شهـدتـه
والهـمّ إبـن ٍ مـا اعَـرف كـيـف اربـيّـه
والا الفـرح ؟.. جـا ميّـت ٍ مــن ولـدتـه
يـارب ياللـي مـالـي الا انــت اناجـيـه
ْولا غيـرك احـد ٍ فــي حيـاتـي عبـدتـه
خذنـي اذا انّــي بـعـد مـوتـي بألاقـيـه
وش لـي بهالدنـيـا عـقـب مــا فقـدتـه

:(

للشاعـرة:
عبير بنت احمد
شمس قطر
10-20-2006, 06:31 PM
ياسلاااااااام على هالكلام يأحلى فراوله وحشتني مواضيعج فراوله:)
طبعي كتومه
10-20-2006, 09:35 PM
فراوله,,

سلمت يمناااج يالغاليه عالابيات الحلوه..

دمتي بود..
أحساسي يكفيني
10-21-2006, 01:43 AM
ماأجملـ بوحكـ بمشاعركـ العطرة,,
المليئة بالامل والاحاسيس المرهفة,,
كتبت فابدعت ونشرت فتألقت,,,

عزيزتي

لا أستطيعـ ان أعبر أكثر من ذلك,,
فلا يسعني الا ان أشكركـ على هذه المشاعر الجميلة,,

وكلماتها المليئة بالبسمة والنغمـ الجميل,
وكثرة عباراتها وكلماتها المتلألئة,,

جميلـ هو ذآك القلمـ بما خطهـُ من رهف الأحساس العاشق
دمتي بكل تألق وأشراقـ وأبداع,,

بانتظار همسك القادم,,

يعطيك العافيه,,

أرق التحاياا ,,
فراولة
10-22-2006, 10:08 AM
...شمـــس قطر...

عنــوونج الحلــوة

فديتـــج.. انتي بعــد وااحشتنــي ^_^

اشكــررررج ع المــرور
فراولة
10-22-2006, 10:09 AM
][ طبعــي كتـومـة ][


الله يســلمج قلبــي

تسلمين ع المرور
فراولة
10-22-2006, 10:11 AM
احساسي يكفيني


تسلم اخووي ع المرور

ويعطيـك ربي الف عافيــة
الولهان77
10-29-2006, 04:49 AM
كلمات جميلة تمتد بين تلاطم البحر في قوته وهدوئه

تأخذنا بين حنايا شعورٍ صادق يتراقص على قيثارة الامل والحب والشوق واللهفة والهجر

كلها لتكون لنا رسوماً رائعة

الله على روعة المعاني و رقة الكلمات

كلمات حزينه ومفردات رائعه
صور وخيال وفكر ونظم
ماذا يقول حرفي فيما رأى
فلقد اصابه الصمت
ولكن هل لصمتي ان يبين اعجابي
فراولة
10-29-2006, 06:35 PM
تسلم اخووي الولهان عالمرور


يعطيك العافية




فراولة
قمر
10-29-2006, 06:42 PM
فرااوله


راائع راائع

اسجل اعجاابي لاهنتي غلاي


تقبلي مروري
عزااام
10-31-2006, 07:39 PM
صح السانك والسان شاعرها

يعطيك العافيه على الا ختيار الحلوووو

ذوووووووووووووووق


تحياتي


عزااام
فراولة
10-31-2006, 08:01 PM
قمــر

عزاام

يعطيكم الف عافيــة عالمرووور..

:)


فراولة