يكفي حبيبي (مـــــــد بوز ) وتغـــلّي !ًَُُّ

[عاشقة الرنج 77]

زعلان لكن عارف شلون اراضيك
ماحد غيري يعرف بطبع خلي


اعرفك لي منك تضايقت واشفيك؟
ماعاش من زعل حبيبي وكلي


من نظرتك من هيئتك وتغليك
اقرأ ملامح ضيقتك لا تقلي


ادري علي زعلان لكن اوريك
شلون ترضى يا بعد كل من لي


ملح الحياة اني اضمك واخليك
وش هي الحياة بدون جد وتسلي؟


ساعات لي خاطر اجيبك ووديك
وارفع حرارة حبنا بالتغلـــــي


اقول ماحبك وما ابيك ..مابيك
عشان اغيضك بس وافشي غلي


لكن حقيقه اني اهواك واغليك
ومحبتي لك ماب عدها تخلي


ودي احطك وسط عيني واغطيك
عشان ماتبعد عن العين ملي


لي غاب حسك نبض قلبي يناديك
بشتاق لك بالحيل يابعد كلي


اقعد انا والشوق دايم بطاريك
افكارنا مابين ربط وحلــــــي


زعلان مني كل كلي يراضيك
ماحد غيري عارف بطبع خلي


يالله تبسم يالله ذبحني تغليك
يكفي حبيبي (مد بوز ) وتغلي

[شيخه نفسي]

يا سلام عليج
كلمات بسطيه لكنها ممتنعه

تقلي مروري
شيووووووووخ

[احاسيس الشوق]

بنت النيل
احاسيس ومشاعر كُتبت بريشة فنـان وروح عاشق

كلمــات من القلب وتصل للقلب وتبقى فيه

عذوبة حروف ودفئ مشـاعر وسحركلمــات
احب ان اكون من بين صفوف المعجبين برائعتك الجميله

لاحيي فيك روحك المبدع

كيف لا وانا اقف بين حروفك مبهور

مشدود الفكر والخيال
دمتي بود
احاسيس الشوق

[عاشقة الرنج 77]

شيوخ
تسلمين على مرورج غاليتي..

[عاشقة الرنج 77]

احاسيس
تسلمين حبيبتي على مرورج..

[أحساسي يكفيني]

بنت النيل


نسيج رائع يرتل شقاوة

حرفك بسدرة الادب

نصك رائع حد الإشراق

تحيات معطرة لك

بنقاء لاينضب

[عاشقة الرنج 77]

اخوي احساسي
تسلم يا الغالي على مرورك الطيب على صفحتي المتواضعة..

[شمس قطر]

تسلمين على هالكلام الحلو والله لا يجيب الزعل بينج وبين كل الناس اللي تحبينهم :) وشكراً بنت النيل

[طبعي كتومه]

بنت النيل،،،

سلمت يمناج عالكلمات الحلوه..

ننطر يديدج..

[الولهان77]

ما اقسى حروفك
فقد مزقت حروفي
وعصفت بكلماتي
وجعلت كل حرف
في مكان
وكل كلمة في زاوية
واصبحت بين
متردد وبين متخوف
هل سوف اقف
بعد هذا الرد
ام ارحل من غير رجعه
لاني وقفت امام جمال خافي
لمعنى الرد الرائع
والصدق الوافي
والوفاء الصافي
سلمت لنا
وسلم حرفك
وصدق كلماتك
وتواضع نفسك
وطهارة قلبك



الولهان77