المساعد الشخصي الرقمي

مشاهدة النسخة كاملة : هل تقبلين بزوج راتبه 3000 ريال ""

غــ الغرافــة ــلا
10-13-2006, 03:14 PM
كلنا يعرف الظروف التي نمر بها .. في الوقت الحالي من عطاله وبطاله

ويا سعد منهو وجد له وظيفة ... وطبعاً أغلب الوظائف " الجديده " إن لم تكن

كلها .. براتب لا يتجاوز الـ 3000 ريال .. وإن زاد وصل 4000 ريال


فهل هذا المبلغ قادر على .. أن يزوج الشاب ... ويتم به نصف دينه ؟؟
وغير ذلك اذا هو يعين اخوانه الصغار ووالديه بهذا الراتب وليس له دخل اخر غيره
وهل تقبلين بزوج يمتلك هذا الراتب ؟؟؟؟؟


انتظر مشاركتكم ومناقشتكم للموضوع


أجمل تحية لك،،
الأمبراطورة
10-13-2006, 05:47 PM
اهلين اختي

اتمنى تتقبلين ردي بصدر رحب لاني ضدج الحين

اولا الظروف اللي تمر فيها قطر
اكيد تتكلمين عن قطر
نهظه موطبيعيه
اللي كلش ماعنده شهاده راتبه 6000
هذا مراسل ولا حيالله شغله
ولا اذا اشتغل بالشرطه ولا في مكان ثاني راح يكون راتبه اكثر من جذي
واكيد تتكلمين عن شاب عنده جنسيه قطريه
صح

وشلون تقولين ياسعد من حصل له وظيفه
بالعكس الوظايف متوفره بشكل مو طبيعي
بس الواحد لازم ينجح في المقابله الشخصيه
لانهم يعتمدون على الشخصيه اكثر من الشهادات

ومثل ماقلت لج قبل والرواتب متقل عن 8000 ريال لحاصل الشهاده الثانويه

8000 ماتزوج احد اذا الشاب قعد يلعب فيها يمين ويسار
والشاب اللي يلعب براتبه معنتها ماعنده مخ ومايتحمل مسؤوليه زواااااج

في الاخير اذا هالزوج يستاهل مكافح وطموح ومنه امل ان يحسن وضعه
على عيني وراسي ليش لا
ومراح اطلب منه مهر ولا تجهيز عرس يقص ظهره
هذا من وجهه نظري حتى لو كان عنده خير احنا اعراسنه ومهورنا معقوله مو خياله
"أقلكم مهرا أكثركم بكره"

مشكوره على الموضوع
أحساسي يكفيني
10-13-2006, 06:18 PM
عزيزتي

بعض دول الخليج الة الان تعاني من خلل أقتصادي فرواتب الموضفين بسيطة لو قارناها
باالدول الخليجية الثانية.
ولكن حتى لو كانت الرواتب عندنا في الدولة مرتفعة فيقابلها في الاساس أرتفاع في المستوى المعيشي والاقتصادي
يعني الغلاء في كل مكان في السكن وفي مصاريف تعليم الابناء وغيرها من الامور الحياتية الاخرى
بكل صراحة المفروض أن تكون هناك وقفة وعلى مستوى القيادة السياسية بدولنا لحل
مثل تلك الامور فأبناء الخليج مازالوا يستحقون الكثير من أرضهم وبلدهم.
أما بخصوص الفتاة التي تقبل بمثل هذا الزوج هناك عائلات ترضى بأقل القيل فأهم شئ
عندهم هو الرجل وهل سيكون أمين على أبنتهم أما لا
فأن رأؤ أنة سيكون عليها أمين ومحافظ عليها فلا يمانعون بتزويجة

عزيزتي
يعطيج الف عافية يا الغلا
طبعي كتومه
10-13-2006, 06:36 PM
لفلوس مو كل شي ..واغلب البنات يبون واحد راتبه عالي ..بس شالفايده اذا طلع مو اوكي...أهم شي يكون خلوق وعاقل ... 3000 اوكي عشان يبني حياته فالمستقبل..هو صح شوي بس هي تقدر تساعده وتشتغل وتاخذ راتب ويبنون حياتهم..بالنسبه لي لو كنت احبه ان شاء الله ما يشتغل اوافق عليه وانا ما تهمني الفلوس ..اكره شي اسمه فلوس اهم شي خلوق ..هي صح الفلوس مهمه نبني فيها مستقبلنا بس هذا مو معناته ان نشوف الريال على راتبه ولازم يكون راتبه عالي ..!!
وان شاء االله مع الايام يزيد راتبه وهالشي بيد الله يرزق من يشاء.. والبنت لازم تخفف عليه ولا تطلب اشيا مو قادر عليها هذا اذا كانت تحبه وتهتم فيه ..
واذا البنت فكرت بالفلوس والله ابدا ما تفرح بحياتها ..والطمع مو زين ..
والله هذا رايي ..يمكن اكون غلطانه...


عاشقة الغرافه،،،

تسلمين عالموضوع الرائع يالغاليه...

تقبلي مروري...
الجوهره
10-13-2006, 08:03 PM
ممكن سؤال...بس ابي رد مقنع3000في هااا الزمن شسوي؟!!!
ولى عووووده...
جوجو
غــ الغرافــة ــلا
10-14-2006, 03:21 AM
يعيطيكم الف عافيه عالمرور يالغالليين

أسعدني تواجدكم وتعليقكم عالموضوع

جوجو ننتظر تعليقج


دمتم بود،،
عاشقة الرنج 77
10-14-2006, 03:38 AM
مش اهم شي في الدنيا الفلوس وبس..لو انت فعلآ تحبينة راح توافقين علية..
في شي يبني علاقة الزوجين يسمى الحب وهااااااي اهم شي....صح ولا انا غلطانة..
تسلمين حبيبتي عل موضوعج الرائع..
تقبلي مروري..
غــ الغرافــة ــلا
10-14-2006, 05:28 PM
الله يسلمج يالغاليه


ومرورج هو الاروع


دمتي بود،،
شيخه نفسي
10-15-2006, 09:20 AM
مشكوره خيتو عالموضوع الرائع

اسمحيلي اختي ان اقول رأيي واحترم وجهات نظر الجميع

بالنسبه للراتب فانه ضعيف جدا جدا جدا ممكن الوحده تتزوج واحد راتبه 3000 او 4000 ريال لكن بالمقابل هي تكون تشتغل عشان يقدورن يعيشون في هالحياه الصعبه كل فيها غاااااااالي بدرجه رهيبه يعني لو فرضنا ان الشخص هذا تزوج من وحده ما تشتغل وبينهم حب وكل شي راحوا الجميعه في اول الشهر كم يبخسرون؟؟ مب اقل من 1000 ريال . وطبعا هالشخص ما عنده بيت بيكون بيته ايجار وطبعا مب اقل من 2000 ريال كم بقى له؟ 1000 ريال ايش راح يسوي فيها؟؟؟ هل هو بيشتري حق نفسه او لزوجته او بترول سيارته او او او او او؟؟؟؟

حبيبتي الحياه جدا صعبه بالنسبه للشخص اللى راتبه 3000 او 4000.. حتى انه ما يفكر ينجب عيال لان راتبه ضعيف

اتمنى ان الفكره وصلت وتقبلي مروري

اختج
شيوووخ
الجوفى
10-15-2006, 06:23 PM
بسم الله الرحمن الرحيم
كلا ادلا بدلوه فى الموضوع واختلفت وجهات النظر وكل انا ء بما فيه ينضح واحترام الراى واجب
وليس كل ما قول صحيح بل يحتمل الخطاء وكلام غير خطاء يحتمل الصواب كما قال الامام الشافعى
اولا المال وسيله وليست غايه فتعس عبد الدينار والدرهم فوالله لو يجرى جري الوحوش فى البريه ماله الاماكتب الله وليس معنا التقاعس والكسل بل الاخذ بالاسباب وترك الباقى على المسبب
حوائج الناس زادت والراتب معاد يكفى والنفس طماعه وكل شى فى ارتفاع فلا الى راتبه 3000 ولا الى راتبه 20000 راح مرتاح والشكوى لغير الله مذله اكثر من يشتكون اصحاب الرواتب العاليه من قله والقناعه بيننا وبينها امدا بعيد وابن ادم لو معه وادى من ذهب تمنى الاخر الراحه ليست فى كثره المال او قله ولا كنها فى قرب الله عز وجل ونعمه الصحه لاتضاهيها مال
فلو رضينا بالقليل وشكرنا الله عليه بارك لنا فيه ومن طلب غير الستر فقد هوى
والزواج عمره ما قام على المال ولكن على الموده والرحمه
فمن كان فى بيته عنده ما يسد حاجته من الناس فاكنما احيزت الدنيا بحذافيرها اليه
فلا نكون مثل قوم قارون ولاناتى يوم القيامه والمساءله على الجبين
ارضو بماقسم الله والله الغنى وهو احكم الحاكمين
تحدوها البشر
10-15-2006, 08:42 PM
بسم الله الرحمن الرحيم

تسلميين اختي عالمووضووع

وبالنسبه لي عاادي " الفلووس آخر همي " لاني ان شالله باتوظف وباصرف على رووحي :o
غــ الغرافــة ــلا
10-16-2006, 04:00 AM
شيوخ & الجوفى & Co0oL - G!rL

مشكورين عالمرور يالغاليين

منورين بتواجدكم وتعليقاتكم عالموضوع

ونحترم وجهات نظر الجميع


دمتم بود،،
~+~ ريبـــــاس ~+~
10-26-2006, 11:43 PM
السلام عليكم ورحمة الله وبركاته


والله بصراحه بصراحه انا مستعده اعيش معاه بعشه

اذا كان ملتزم ويخاف الله ويحترمني ويقدر الحياه الزوجيه


ومعاشي على معاشه بيمشي الحال : )


ولا ريال معاشه 1000 وفوق ولا عنده رجوله

مشكوره اختي عالطرح
غــ الغرافــة ــلا
10-27-2006, 04:12 PM
العفوووو خيتو ريباس واشكرج على مرورج الرائع

ويعطيج ألف عافية

دمتي بود،،
حـلـم الجمـيـع
10-30-2006, 11:06 AM
لى عوده للموضوع
اسيرة قطر
10-30-2006, 11:32 AM
السلام عليكم ورحمه الله

لفلوس مو كل شي ..اهم شي الدين يكون رجل صالح عشان يكون تفاهم صح

الفلوس اكيد هي شي ضروري بس الدين والاخلاق هو اسس البيت صحيح .

يسلموووووو على هذا الموضوع الحلو

ماقصرتي الله يعطيج العافية

السمـــــــــــــــوحة حبيبتي

مع تحياااااتي
غــ الغرافــة ــلا
10-30-2006, 02:14 PM
حلم الجميع ننتظر عودتك للموضوع


أسيره الف شكر لج يالغالية عالتواجد والرد


دمتم بود،،
غــ الغرافــة ــلا
12-04-2006, 09:32 PM
تسلمين أختي شيخه عالمرور بالعكس أنا احب اسمع رايكم

وتسلم اخوي الجوفي عالمرور

ويعطيكم الف عافية ،،

دمتو بحفظ الرحمن
انت الغلا
12-05-2006, 02:41 PM
" عسى ان تكرهوا شيئااا وهو خيرا لكم "
عزيزتي مع التطور الحاصل لقطر ما اعتقد في شخص راتبه 3000 ريال
لان الحال غير الحال ... وبعدين من بيفكر بالراتب انا بعيش مع من ؟
اكيد مع زوج مو معااااش اخر الشهر ....

تقبلي مروري ...
غــ الغرافــة ــلا
12-06-2006, 05:40 PM
تسلمين خيتو عالمرور الأكثر من رائع

ويعطيج ألف عافية

دمتي بخير ،،،
حـلـم الجمـيـع
12-13-2006, 10:29 AM
الفلوس اكيد شي مهم ...

بس اذا كان هذا الشخص يخاف ربه وعارف قيمة زوجته

ودائما يقولون خذوهم فقارى يغنيهم الله

والحياة ما تمشي الا بمساعده الطرفين ويكافحون مع بعض....

ويعطيج ألف عافية

دمتي بود،،


حلــــــــم
غــ الغرافــة ــلا
01-04-2007, 12:11 AM
تسلمون عالمرور ويعطيكم ألف عافية
دمتو بخير ،،،
النجـلا
01-04-2007, 10:10 PM
مممممممممممم

الفلووووس عمرها ماكانت سبب للسعادة

فأنا عادي عندي لو كان معاشه 3000

اهم شي يكون ديّن وخيّـر

و يحبني وو احبه

وو يحترمني و احترمه

وذا عنده خير ,, فالحمدلله

تسلمين الغالية ع الموضوع

لا خلا ولا عدمنا هالانامل اللي اكتبت الموضوع

سيسترج النونو : النجلا